昨天2008年9月13日係Andy (我表弟)同Yin的婚宴，佢地同我地兩公婆差不多時間開始拍拖，依家開花結果，真係為佢地感到好開心，雖然婚宴有點混亂，好彩我地「家好月圓」{ = 詩君琪林四姊弟}同埋一班老表幫手，婚宴總算順順利利，見番一班表兄弟姊妹，真係超開心，其實我地好少機會可以一齊眾手一堂，所以好珍惜咁在婚宴影了一張大合照，而且仲同埋公公影大合照，場面好warm...

係依個場合，我地發揮到團隊精神，在此真係要幫一對新人讚下依班老表同弟妹...佢地係我昨天所見到最幫得一對新人手既...

1) 三妹~琪﹕無端端被人屈左做現場ＭＣ，貓紙只有半張memo紙(仲要係我臨時寫俾佢!!!)同細佬夾 MC講辭只用了十數分鐘，勁!!整個婚禮好彩有你，唔係我諗仲~亂!!!

2) 四弟~林﹕又係無端端被人屈左做司儀，雖然係第一次都有板有眼既...作首詩俾你呀!!我既honey~~

  「小司儀，唔怯場，識執生，搞氣氛，夠靚仔，有潛質 !」

3) 二妹~君﹕reception~幫安安搞圍數野，上次我既婚禮都好似係這個post，anyway你都係非常盡責!!

4) 表妹~安﹕reception~我知你好盡責，最忙o個個應該係你。搞掂圍數係好辛苦既工作，唔駛膽心，我地日後一定會幫你搞得更好你既婚禮既...(應該好快!!hehee...)

5) 表妹~詠珊﹕reception~好盡責，依個表妹唔話得，係我既婚宴度已經好幫得手，今次我眼見你都好叻女，雖然聽講你有少少委屈，不過我「撐」你!!!

6) 表弟~聰﹕總務~盡責到差d連件prada西裝褸同銀包都唔見埋，搬搬抬抬任勞任怨，乖仔一名，錫晒你!!

7) 表姐~玉表姐﹕幫一對新人遞茶敬茶，盡責!!

8) 阿威~安安男友﹕總務~都係好仔一名，同三姨丈都係o個句﹕安安就「交俾你啦~~」...hahahahaaaa!!!

最後當然仲有我同我honey同濰仔幫手做保鏢幫yinyin睇住d金器啦~~

總結﹕安迪同賢賢既婚禮好成功呀!!!恭喜恭喜!!

今日睇左一套日劇，叫做「醜女變天使」，係講一個肥女仔點樣面對自己成日成為別人的笑柄、點樣積極為自己尋找幸福，每次我睇親依D戲，我都好同情個女仔，我唔知係感覺身同感受定係正義感作怪，諗番起以前細個無人會話我靚或可愛，幼稚園時俾人抱既多數係隔離個女同學，小學時就更加無男同學主動同我玩，所以個時細個好自卑同內向，不過好彩中學時代識到一班好朋友，一齊番學、一齊玩、一齊學扮靚、一齊勉勵大家，今日既我可以好有自信企出來，真係好多謝我既好朋友。

所以我好憎個D以貌取人既男人女人，尤其係鍾意在人背後話人地豬扒個D，就算係幾咁靚仔靚女，你總會有皺皮又老的一天，積下口德啦~~~~

推介這套電視劇!!!

今天黃氏家族同人與我地兩公婆預早慶祝生日，真係好開心，多謝DADDY MUMMY同細佬阿妹們仲有濰仔，佢地真係好有心思，除了買了兩份好有心思的禮物送俾我地，仲買了美味生日蛋糕tim...仲要多謝mummy的玉吊咀，希望真係可以保佑我身體健康啦~~

~~好愛你地呀~~